Un Hipoteca cu FCCA | Fundacion Cas Pa Comunidad Arubano
Mobile Menu

Fundacion Cas Pa Comunidad Arubano

Un Hipoteca cu FCCA

Bo ta pensando pa cumpra, construi, of renoba bo cas?

Nos ta ey pa yuda bo! FCCA ta e unico banco hipotecario na Aruba cu un historia solido di construi hogarnan pa nos comunidad desde 1979.

Nos solucionnan personalisa di hipoteca ta crea pa satisface bo preferencianan y situacion individual. Cu orguyo, nos ta reinverti nos ganashi den iniciativanan di vivienda social, contribuyendo na un comunidad mas saludabel y prospero pa nos tur.

Beneficia di nos experiencia y conocemento pa tin e hogar di bo soño.

Nos na FCCA t’ey pa yudabo cu:

  • Posibilidad pa fia 100%
  • Tarifanan di interes atractivo
  • Descuento ariba materialnan di construccion
  • Areglonan di pago flexibel
  • Opcion pa un termino di pago mas largo
  • Opcion pa ricibi mapa di construccion di cas pre-diseña GRATIS ora cu bo tuma un hipoteca cerca nos
  • Seguro na prijs competitivo
  • Calculacionnan di e gastonan y conseho personal pa yudabo tuma e miho decision.

Interesa? 

Por fabor yena e formulario aki y nos lo tuma contacto cu boso lo mas lihe posibel.

    Por fabor tene cuenta cu pa nos por duna bo e miho asistencia, nos ta pidi bo cordialmente pa trece e siguiente documentonan ora bo bin pa bo cita di orientacion:

    • Prueba valido di identidad di bo (y bo pareha), manera bo cedula, paspoort, of rijbewijs.
    • “Payslip” di e ultimo dos lunanan di bo (y bo pareha). Si abo of bo pareha ta ricibi salario simanal of cada dos siman, trece bo ultimo 6x “payslip.”
    • Un extracto di 5 AWG for di Censo Aruba, miho conoci como e “papel di 5 florin.”
    • Si abo of bo pareha no a nace na Aruba, un declaracion di registro di Censo Aruba di 10 AWG, miho conoci como e “papel di 10 florin.”
    • Si bo ta cumprando of trahando un cas; un “taxatierapport” valido (no mas bieu cu 1 aña) di e cas.
    • Si bo ta construyendo un cas; e mapa di e cas, “meetdocument” di e tereno, documentonan legal, y mapa di construccion aproba pa D.O.W.
    • Carta di referencia di bo trabou actual.

    Importante!

    • Pa aplica pa un hipoteca bo persona mester ta un residente di Aruba.
    • Por fabor tene na cuenta cu nos calculacion di hipoteca ta bay te cu edad di pensioen.

    Semper por pasa libremente cerca nos pa mas informacion.

    Nos localidadnan

    Preguntanan Frecuente (FAQ)

    Door cu hopi cliente ta haci e preguntanan aki’bou regularmente nos a agreganan pa asina wak si nos por yudabo mas lihe.

    Ki tarifa di interes FCCA ta ofrece?

    Nos ta ofrece un tarifa di interes atractivo, cual ta varia basa riba diferente factornan manera entrada, ocupacion, y edad. Nos ta comprometi na brinda un servicio personalisa, pesey nos ta pidi bo persona pa por fabor yena e formulario pa nos tuma contacto cu meneer/señora of pa pasa cerca nos libremente na un di nos localidadnan.

    E tarifa di interes ta fiho?

    Si, e tarifa di interes pa un prestamo nobo y refinanciamento ta fiho.

    Boso por financia 100% di e hipoteca?

    Si sigur esaki por ta posibel. Por fabor yena e formulario pa nos tuma contacto cu meneer/señora of pasa cerca nos libremente na un di nos localidadnan.

    Boso ta ofrece financiamento pa mayor cu yiu?

    En principio esaki ta posibel, pero tin cierto rekisito mara na esaki. Por fabor yena e formulario pa nos tuma contacto cu meneer/señora of pasa cerca nos libremente na un di nos localidadnan.

    Boso ta ofrece financiamento despues di edad di pensioen tambe?

    Si, esaki ta posibel, tanten cu e financiamento ta cay den normanan di FCCA y bo persona tin seguro di bida cu ta cubri e prestamo di hipoteca durante e duracion di e prestamo. Por fabor yena e formulario pa nos tuma contacto cu meneer/señora of pasa cerca nos libremente na un di nos localidadnan.

    Scroll To Top