| Start of infra-structure work first phase | | Print | |
|
Minister Mike de Meza, reemplasando minister Benny Sevinger a duna inicio oficial na e trabounan di Infrastructura Diamars 16 di maart 2010 Fundacion Cas pa Comunidad Arubano (FCCA) a organisa un evenemento na e proyecto di vivienda na Palisiaweg pa asina duna muestra di inicio oficial di e trabounan di infrastructura pa dicho proyecto. E acto aki a wordo efectua door di minister di Mike de Meza. E proyecto di infrastructura ta parti den dos fase. E prome fase ta consisti di ponemento di tuberia pa e systema di riool. Durante e fase aki tambe e companianan di utilidad lo ta presente pa instala tuberia di awa, cabel pa coriente, telefoon y cable tv. Fase dos ta e trabounan di construccion di e caminda. E fase aki ta parti den dos parti, cual e prome ta ensera cobamento di e caminda, construccion di e fundeshi y construccion di e banchinan di concreet pa e caminda. E segundo parti ta ponemento di e capanan di asfalt. E inversion total pa e trabounan aki di e infrastructura ta AFl. 1.410.629,=. E trabounan ariba menciona, exclui e trabounan di utilidad, ta wordo ehecuta pa e contratista BIC N.V.. E proyecto di infrastructura ta calcula pa finalisa den e prome siman di juli e aña aki. FCCA durante e ultimo añanan a percura pa su proyectonan di vivienda ta haya un bon infrastructura. Un infrastructura adecuado ta hisa calidad di e proyecto y automaticamente ta contribui na hisa e calidad di bida di esnan cu ta bay habita e casnan. Minister Mike de Meza a wordo acompaña pa miembro di Parlamento sra. Lorna Varlack y hunto nan a opera un grua pa baha e prome controleput den caminda indicando asina simbolicamente e inicio oficial di e trabounan di e infrastuctura. Esaki a wordo presencia door di otro ministernan, miembro di parlamento señora Clarisca Velasquez y otro invitadonan presente. E proyecto di vivienda aki na Palisiaweg ta parti den tres fase. E prome parti ta consisti di e 50 viviendanan cu actualmente ta den e parti final di construccion. Pronto lo duna inicio na e segundo fase cu lo consisti di 73 cas mas, y e tercer fase lo ensera percelanan cu lo ta disponibel pa esnan cu por construi un vivienda propio. E prome fase di construccion di e 50 viviendanan a wordo financia pa institucionan di vivienda hulandes cu apoyo di garantia di DIGH (Dutch International Guarantee for Housing). Pronto lo cuminsa na entregamento di e 50 viviendanan aki. |
